ਮੈਲਬਰਨ : ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ Anthony Albanese ਨੇ ਐਲਾਨ ਕੀਤਾ ਹੈ ਕਿ ਉਹ ਆਪਣੇ ਕਾਰਜਕਾਲ ਦੌਰਾਨ ਦੇਸ਼ ਨੂੰ ਰਿਪਬਲਿਕ ਬਣਾਉਣ ਲਈ ਕੋਈ ਰੈਫਰੈਂਡਮ ਨਹੀਂ ਕਰਵਾਉਣਗੇ। ਇਹ ਐਲਾਨ ਉਨ੍ਹਾਂ ਵੱਲੋਂ ਬ੍ਰਿਟੇਨ ਦੇ ਕਿੰਗ ਚਾਰਲਸ ਨਾਲ ਬੈਲਮੋਰਲ ਕੈਸਲ ’ਚ ਦੁਪਹਿਰ ਦੇ ਭੋਜਨ ਤੋਂ ਬਾਅਦ ਕੀਤਾ।
Albanese ਨੇ ਸਪਸ਼ਟ ਕੀਤਾ ਕਿ ਉਹ ਨਿੱਜੀ ਤੌਰ ’ਤੇ ਰਿਪਬਲਿਕ ਦੇ ਹਾਮੀ ਹਨ, ਪਰ ਸਰਕਾਰ ਦੀ ਪ੍ਰਾਥਮਿਕਤਾ ਲਾਗਤ-ਜੀਵਨ ਸੰਕਟ, ਹਾਊਸਿੰਗ, ਸਿਹਤ ਅਤੇ ਆਰਥਿਕ ਸਥਿਰਤਾ ’ਤੇ ਹੈ। ਇਸ ਫੈਸਲੇ ਨਾਲ ਰਿਪਬਲਿਕ ਮੂਵਮੈਂਟ ਨੂੰ ਵੱਡਾ ਝਟਕਾ ਲੱਗਿਆ ਹੈ, ਕਿਉਂਕਿ ਉਹ ਉਮੀਦ ਕਰ ਰਹੇ ਸਨ ਕਿ ਮੌਜੂਦਾ ਸਰਕਾਰ ਹੇਠ ਇਸ ਮੁੱਦੇ ਨੂੰ ਗਤੀ ਮਿਲੇਗੀ।
ਰਿਪਬਲਿਕ ਦੇ ਸਮਰਥਕਾਂ ਨੇ ਇਸ ਨੂੰ ‘ਖੁੰਝਿਆ ਮੌਕਾ’ ਕਿਹਾ, ਜਦੋਂਕਿ ਮੋਨਾਰਕਿਸਟਾਂ ਨੇ ਇਸ ਨੂੰ ਰਾਜਤੰਤਰ ਨਾਲ ਸਥਿਰ ਸੰਬੰਧਾਂ ਦਾ ਸੰਕੇਤ ਦੱਸਿਆ। ਹਾਲਾਂਕਿ ਇਹ ਮੁੱਦਾ ਭਵਿੱਖ ਵਿੱਚ ਫਿਰ ਉੱਠ ਸਕਦਾ ਹੈ, ਪਰ ਫਿਲਹਾਲ ਸਰਕਾਰ ਦੇ ਏਜੰਡੇ ਤੋਂ ਇਹ ਪਿੱਛੇ ਹਟ ਗਿਆ ਹੈ।
