ਮੈਲਬਰਨ : ਟਰੈਜ਼ਰਰ Jim Chalmers ਨੇ ਆਪਣੇ ਅੱਧੇ ਸਾਲ ਦੀ ਵਿੱਤੀ ਅਪਡੇਟ ਦੀ ਵਰਤੋਂ ਕਰਦਿਆਂ ਬਜਟ ਘਾਟੇ ਵਿਚ 21.8 ਅਰਬ ਡਾਲਰ ਦਾ ਵਾਧੇ ਦਾ ਖੁਲਾਸਾ ਕੀਤਾ ਹੈ। ਅਪਡੇਟ ਤੋਂ ਪਤਾ ਲੱਗਦਾ ਹੈ ਕਿ ਸਰਕਾਰੀ ਖਰਚਿਆਂ ਵਿੱਚ ਵਾਧਾ ਹੋਇਆ ਹੈ, ਜਿਸ ਦਾ ਜ਼ਿਆਦਾਤਰ ਹਿੱਸਾ ਬੱਚਿਆਂ ਦੀ ਦੇਖਭਾਲ ਅਤੇ ਬਜ਼ੁਰਗਾਂ ਦੀ ਦੇਖਭਾਲ ਵਰਗੇ ਖੇਤਰਾਂ ਵਿੱਚ ਹੈ, ਪਰ ਇਹ ਵੀ ਪੁਸ਼ਟੀ ਕਰਦਾ ਹੈ ਕਿ ਇੱਕ ਪ੍ਰਮੁੱਖ ਟੈਕਸ ਦੀ ਵਸੂਲੀ ਵਿੱਚ ਇੱਕ ਚੌਥਾਈ ਦੀ ਗਿਰਾਵਟ ਆਉਣ ਦੀ ਉਮੀਦ ਹੈ। ਅਪਡੇਟ ਇਹ ਵੀ ਦਰਸਾਉਂਦਾ ਹੈ ਕਿ ਅਗਲੇ ਸਾਲ ਮਈ ਤੱਕ ਚੋਣਾਂ ਵੱਲ ਜਾਣ ਵਾਲੀ ਐਲਬਾਨੀਜ਼ੀ ਸਰਕਾਰ ਦਾ ਆਰਥਕ ਪੱਖੋਂ ਹੱਥ ਤੰਗ ਰਿਹਾ, ਆਮ ਲੋਕਾਂ ਦੇ ਘਰੇਲੂ ਖਰਚੇ ਆਬਾਦੀ ਨਾਲੋਂ ਹੌਲੀ ਵਧਣ ਦੀ ਸੰਭਾਵਨਾ ਹੈ, ਹਾਲਾਂਕਿ ਮਹਿੰਗਾਈ ਸਥਿਰ ਹੈ ਅਤੇ ਅਸਲ ਤਨਖਾਹ ਵਿੱਚ ਵਾਧਾ ਹੋਇਆ ਹੈ।
- ਅੱਜ ਕੀਤਾ ਗਿਆ ਸਭ ਤੋਂ ਵੱਡਾ ਐਲਾਨ ਇੰਟਰਨੈਸ਼ਨਲ ਗ੍ਰੈਜੂਏਟ ਸਟੂਡੈਂਟਸ ਲਈ ਹੈ। ਪਿਛਲੇ ਸਾਲ ਇੰਟਰਨੈਸ਼ਨਲ ਸਟੂਡੈਂਟਸ ਵੀਜ਼ਾ ਲਈ ਫੀਸ 710 ਡਾਲਰ ਤੋਂ ਵਧਾ ਕੇ 1,600 ਡਾਲਰ ਕਰਨ ਤੋਂ ਬਾਅਦ, ਟੈਂਪਰੇਰੀ ਗ੍ਰੈਜੂਏਟ ਵੀਜ਼ਾ ਲਈ ਚਾਰਜ 1 ਫਰਵਰੀ ਤੋਂ 14.75٪ ਵਧ ਜਾਵੇਗਾ। ਮੁਤਾਬਕ ਇਸ ਕਦਮ ਨਾਲ 2023-24 ਤੋਂ ਪੰਜ ਸਾਲਾਂ ’ਚ 1.7 ਬਿਲੀਅਨ ਡਾਲਰ ਇਕੱਠੇ ਹੋਣ ਦੀ ਉਮੀਦ ਹੈ।
- ਇਸ ਤੋਂ ਇਲਾਵਾ ਅਗਲੀਆਂ ਫੈਡਰਲ ਚੋਣਾਂ ਦੇ ਮੱਦੇਨਜ਼ਰ, ਫ਼ੈਡਰਲ ਸਰਕਾਰ ਨੇ ਚੋਣ ਸੰਚਾਰ ਅਤੇ ਸਿਆਸੀ ਇਸ਼ਤਿਹਾਰਬਾਜ਼ੀ ਵਿੱਚ ‘ਗੁੰਮਰਾਹਕੁੰਨ ਜਾਂ ਗਲਤ’ ਸਮੱਗਰੀ ਦਾ ਮੁਕਾਬਲਾ ਕਰਨ ਲਈ ਚਾਰ ਸਾਲਾਂ ਵਿੱਚ 25.1 ਮਿਲੀਅਨ ਅਲਾਟ ਕੀਤੇ ਹਨ।
- 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਸੋਸ਼ਲ ਮੀਡੀਆ ਪਾਬੰਦੀ ਲਈ ਮਾਪਿਆਂ, ਨੌਜਵਾਨਾਂ ਅਤੇ ਅਧਿਆਪਕਾਂ ਨੂੰ ਤਿਆਰ ਕਰਨ ਵਿੱਚ ਮਦਦ ਕਰਨ ਲਈ ‘ਰਾਸ਼ਟਰੀ ਜਨਤਕ ਸਿੱਖਿਆ ਮੁਹਿੰਮ’ ਲਈ ਦੋ ਸਾਲਾਂ ਵਿੱਚ 10 ਮਿਲੀਅਨ ਡਾਲਰ ਖ਼ਰਚ ਕੀਤੇ ਜਾਣਗੇ।
- ਇਸ ਤੋਂ ਇਲਾਵਾ ਸਰਕਾਰ ‘innovative places’ ਪ੍ਰੋਗਰਾਮ ਨੂੰ ਬੰਦ ਕਰ ਕੇ ਚਾਰ ਸਾਲਾਂ ਵਿੱਚ 107 ਮਿਲੀਅਨ ਡਾਲਰ ਅਤੇ 2028-29 ਤੋਂ 2034-35 ਤੱਕ 491 ਮਿਲੀਅਨ ਡਾਲਰ ਦੀ ਬਚਤ ਕਰੇਗੀ। ਇਹ ਪ੍ਰੋਗਰਾਮ 31 ਦਸੰਬਰ 2026 ਨੂੰ ਬੰਦ ਹੋ ਜਾਵੇਗਾ।
- ਜੂਏਬਾਜ਼ੀ ਅਤੇ ਤੰਬਾਕੂ ਨੂੰ ਵੀ R&D ਟੈਕਸ ਬ੍ਰੇਕ ਤੋਂ ਬਾਹਰ ਰੱਖਿਆ ਗਿਆ ਹੈ।
